જો તમે Google Pay, PhonePe અથવા Paytm વાપરો છો – તો તમને આ જાણવું જરૂરી છે! New UPI Rules
New UPI Rules: જો તમે Google Pay, PhonePe, Paytm જેવી UPI એપ્લિકેશનનો ઉપયોગ કરતા હો, તો તમારે આ સમાચાર ચોક્કસપણે વાંચવા જોઈએ. આ ફેરફારની સીધી અસર તમારા વ્યવહાર પર પડી શકે છે.
Contents
UPI અને GSTના નવા નિયમો: શું બદલાવ આવી શકે છે?
GSTના નવા નિયમ મુજબ, GST રજિસ્ટ્રેશનની ટર્નઓવરની મર્યાદા ₹40 લાખથી વધીને ₹1 કરોડ સુધી કરવાની ભલામણ કરવામાં આવી છે. આનો મુખ્ય ઉદ્દેશ્ય દેશમાં UPI ટ્રાન્ઝેક્શનને પ્રોત્સાહન આપવાનો છે.
શા માટે આ બદલાવ જરૂરી છે? – New UPI Rules
હાલના નિયમ મુજબ, જો કોઈ વેપારીનું વાર્ષિક ટર્નઓવર ₹40 લાખથી વધુ હોય, તો તેને GST રજિસ્ટ્રેશન કરાવવું ફરજિયાત છે. જો આવા નાના વેપારીઓ UPI દ્વારા પેમેન્ટ લે, તો તેમને GST નોટિસ મળવાનો ડર રહે છે. આ ડરના કારણે, ઘણા વેપારીઓ UPI પેમેન્ટ લેવાનું ટાળે છે.
આ સમસ્યાને દૂર કરવા માટે બેંકો અને નાણાકીય સંસ્થાઓએ નાણા મંત્રાલયને સૂચન કર્યું છે કે નાના દુકાનદારોને GSTના દાયરામાંથી બહાર રાખવામાં આવે, જેથી તેઓ UPI દ્વારા કોઈપણ ચિંતા વગર લેવડદેવડ કરી શકે.
નવા નિયમથી શું ફાયદો થશે? – New UPI Rules
જો GST રજિસ્ટ્રેશનની મર્યાદા ₹1 કરોડ સુધી વધે, તો ₹1 કરોડ સુધીનું ટર્નઓવર ધરાવતા વેપારીઓને GST રજિસ્ટ્રેશનમાંથી મુક્તિ મળશે. આનાથી તેઓ સરળતાથી UPI દ્વારા પેમેન્ટ સ્વીકારી શકશે અને ડિજિટલ પેમેન્ટને વેગ મળશે.
આ ઉપરાંત, બેંકોએ મોટા ટ્રાન્ઝેક્શન પર MDR (મર્ચન્ટ ડિસ્કાઉન્ટ રેટ) ચાર્જ લગાવવાની પણ ભલામણ કરી છે, જેથી નાની રકમના UPI પેમેન્ટ પર કોઈ અસર ન થાય. હાલમાં, સરકાર આ બંને પ્રસ્તાવો પર વિચાર કરી રહી છે.
